COUTINHO FULL MBWEMBWE ZA KIBRAZIL

Kiungo mshambuliaji wa Yanga raia wa Brazil, Andrey Coutinho, jana Alhamisi aliwakuna mashabiki waliofika kwenye mazoezi ya timu hiyo katika Ufukwe wa Coco, Oysterbay jijini kutokana na kuonyesha uwezo wa juu wa kuuchezea mpira.

Katika tukio hilo, wakati wachezaji hao wakijifua, waligawanywa watatu kila kundi ambapo Coutinho alipangwa na mabeki Mbuyu Twite na Juma Abdul kwa ajili ya kupiga ‘kontroo’.

Zoezi hilo lilikuwa kivutio kwa wengi na macho mengi kuelekezwa katika kundi hilo lililokuwa na Mbrazili huyo. 


Mbrazili huyo aliuchezea mpira kiufundi ambapo alitumia viungo mbalimbali, ikiwemo mgongoni, shingoni na begani, lakini pia Juma Abdul naye alionyesha uwezo mkubwa kwa kumjibu kiufundi.