KAMATI YA USAJILI SIMBA YAWAFUNGIA KAZI JERRY SANTO, CASILLAS

Kamati ya usajili chini ya Mwenyekiti, Zacharia Hans Poppe imeonyesha haitaki utani baada ya kufikia asilimia 95 ya mazungumzo ya kuwanasa kiungo nyota wa zamani wa Simba, Jerry Santo na kipa wa Mtibwa Sugar, Hussein Sharrif 'Cassilas'.
Wajumbe wengine wa kamati hiyo ya usajili ni Said Tully, Musley Al Rawah na Kassim Dewji.

"Habari za uhakika zinaeleza kamati hiyo imekamilisha karibu kila kitu na ndani ya siku mbili Santo ataingia nchini," kilieleza chanzo.

"Kuna mambo kidogo ya kumalizia ndiyo yamelazimisha aje ndani ya siku mbili mbele."

Kuhusiana na Cassillas imeelezwa mazungumzo yako katika hatua nzuri.

Kipa huyo na Mtibwa wataigharimu Simba kitita cha Sh milioni 20.

Casillas ndiye alikuwa kipa bora msimu uliopita licha ya kwaba Mtibwa Sugar haikuwa hata kwenye tatu bora.