Kiungo mshambuliaji wa Yanga, Mrisho Ngassa, amelazimika kutofanya
mazoezi na timu yake baada kuchanika mdomo kwenye mchezo wa kirafiki dhidi ya
KMKM ya Zanzibar ambapo Yanga ilishinda kwa mabao 2-0.
Yanga inayojitayarisha na msimu mpya, inatarajia kucheza
michezo miwili ya kirafiki ya kimataifa ili kujiweka sawa kabla ya kuwavaa Azam
FC katika mechi ya Ngao ya Jamii.
Kocha wa Yanga, Marcio Maximo, amesema kuwa mchezaji huyo aliumia wakati wa
mchezo huo ambapo alipigwa na kiwiko cha mchezaji wa KMKM na ndiyo sababu
hakuwepo kwenye mazoezi ya timu hiyo yaliyoanza jana.
Ngassa hakufanya mazoezi na timu yake katika
Uwanja wa Shule ya Sekondari ya Loyola ila alifika na kukaa jukwani na
kushuhudia wachezaji wenzake wakiendelea na mazoezi chini ya Maximo.
“Ngasa ameumia mdomo ila anaendelea vizuri na
anaweza kucheza michezo ya kirafiki inayokuja,” alisema Maximo.
0 COMMENTS:
Post a Comment