ULIMWENGU, SAMATTA WAUNGANA NA STARS NDANI YA MAPUTO, WAJIFUA PAMOJA

Washambuliaji wawili wa TP Mazembe, Mbwana Samatta na Thomas Ulimwengu wameungana na na kikosi cha Taifa Stars mjini Maputo.

Samatta na Ulimwengu wameungana na wenzao na kufanya nao mazoezi ya pamoja.

Kutua kwa washambuliaji hao kumeongeza nguvu kwa Stars ambayo sasa iko kamili kwa mechi ya kesho dhidi ya wenyeji Msumbiji.

Katika mechi ya kwanza, Taifa Stars ililazimishwa sare ya mabao 2-2 katika mechi yakuwania kucheza Kombe la Mataifa Afrika.

Hivyo katika mechi ya kesho, kikubwa kwa Taifa Stars itakuwa ni ushindi tu.