ASAMOAH AKANUSHA KUMUUA RAFIKI YAKE MWANAMUZIKI

GYAN AKIWA NA CASTRO AMBAYE ANAAMINIKA AMEUWAWA AKIWA NA MPENZI WAKE.

 Mshambuliaji nyota wa Ghana, Asamoah Gyan amezungumza na kukanusha taarifa za kuwa anahusika na kifo cha mwanamuziki nyota wa nchini mwaka, Castro ambaye pia ni rafiki yake.

Castro na mpenzi wake, Janet Bandu walipotelea kusikojulikana wakati wakiwa wamekwenda ‘kula maisha’ katika eneo la Ada nchini mwao.

Wawili hao walikuwa pamoja na familia ya Gyan ambaye sasa anakipiga katika klabu ya Al Ain ya Mashariki ya Kati.

Kutokana na hali hiyo, vyombo vya habari vya Ghana vimekuwa vikimhusisha Asamoah na sakata hilo.

Baadhi wanaamini Asamoah ambaye pia ni mwanamuziki na amewahi kushirikiana na rapa huyo, kwamba amemuua Castro na mpenzi wake kwa kumtoa kafara.

“Nimeamua kuvunja ukimya, kwamba jambo linalozungumzwa si sahihi. Magazeti yanataka kuuza lakini yanajua yanatenda kosa kwangu na familia yangu.

“Niliamua kukaa kimya ili kuwawa nafasi polisi kufanya uchunguzi, lakini nimeamua kusema kwamba kinachoendelea si sahihi na kinataka kunichafua na kuichafua familia yangu.

“Kwangu Castro alikuwa rafiki pia ndugu, hivyo nisihusishwe kwa kuwa kilichomtokea hata sisi kimetushitua na hatujui kinachoendelea,” alieleza mshabuliaji huyo wa zamani wa Sunderland.