BURUNDI WATAMBA WATAIZUIA STARS TENA BUJUMBURA JUMAPILI

SIKU YA MECHI AMBAYO STARS ILILALA KWA MABAO 3-0. AMISSI TAMBWE WA SIMBA ALIIFUNGUA BURUNDI BAO MOJA SIKU HIYO

Kocha msaidizi wa Burundi, Kaze Cedric amesema hawatatoa nafasi kwa Taifa Stars kulipa kisasi Jumapili mjini Bujumbura.

Cedric ameiambia wanajua Stars itataka kulipa kisasi katika mechi ya kirafiki dhidi yao kutokana na kipigo walichokitoa cha mabao 3-0 jijini Dar.

“Tunajua kuwa Jumapili itakuwa ni ngumu kwa kuwa Taifa Stars watataka kulipa kisasi.

“Tuliambiwa hawakutumia kikosi cha nyota wao wote na sasa wanakuja wote,” alisema.

Hivyo tunataka kupambana nao vizuri na utaona tuna nyota kadhaa kutoka nje akiwemo mmoja kutoka Uturuki.

Stars kupitia kikosi cha maboresho, walifungwa mabao 3-0 na Burundi kwenye Uwanja wa Taifa Dar na kuwaudhi kupindukia mashabiki wa soka nchini.