CANNAVARO AIBUA MAPYA, ASEMA JAJA NI ZAIDI YA AMISIS TAMBWE WA SIMBA

JAJA

Nahodha wa Yanga, Nadir Haroub ‘Cannavaro, ameibuka na kusema kuwa mshambuliaji wao Mbrazili, Geilson Santana ‘Jaja’, ana uwezo mkubwa zaidi ya Mrundi wa Simba, Amissi Tambwe.

Jaja yupo kwenye wakati mgumu kutokana na kutoaminiwa na mashabiki wa klabu hiyo wakidai kuwa ni mzito na hawezi kupiga chenga.

 

CANNAVARO

Akizungumza jijini Dar, Cannavaro amesema, Jaja hapaswi kubezwa licha ya kuwa hajui kupiga chenga na anahitaji muda kwani ni zaidi ya mshambuliaji wa Simba, Amissi Tambwe.

 

TAMBWE

Alisema Jaja atakuwa mchezaji mzuri akishazoeana na wenzake na kwamba akiwa mbele ya lango ni ngumu kukosa bao.

“Huyu ni zaidi ya Tambwe sema watu wanataka vitu haraka, mpeni muda mtamuona tu,” alisema Cannavaro.

Hata hivyo Cannavaro hakufafanua zaidi ubora aliouona wa Jaja hadi kumzidi Tambwe raia wa Burundi ambaye msimu uliopita aliibuka mfungaji bora akiwa na mabao 19.

Jaja tokea atue Yanga, ameishacheza mechi nne za kirafiki na kufanikiwa kufunga mabao mawili, kila moja likiwa la ushindi.