DUNGA HATAKI MCHEZO, AMTIMUA MAICON TIMU YA TAIFA

Kocha Mkuu wa Brazil, Dunga hataki mchezo na beki wa kulia Maicon anaweza kuthibitisha hilo.

Dunga amemtimua Maicon aliyewahi kucheza Man City na Inter Milan kutokana na utovu wa nidhamu.

Alikuwa katika kikosi cha Brazil kilichoitwanga Colombia bao 1-0 katika mechi ya kirafiki nchini Marekani.

Wakati inajiandaa na mechi nyingine ya kirafiki Ecuador, Maicon ’34, ambaye ameichezea Brazil mechi 76 ametupwa nje.

Hiyo ni kuonyesha kwamba Dunga ambaye amerejea baada ya Fillipe Scorali aliyepigwa 7-1 na Ujerumani katika mechi yake ya mwisho, hataki mchezo.