LIVE FROM TAIFA (FULL TIME): SIMBA 1 VS POLISI MOROGORO 1

MPIRA UMEKWISHAAAA...

DAKIKA 4 ZA NYONGEZA

Dk 89, Polisi wanafanya shambulizi, Selembe anapiga kichwa mpira unagonga mwamba lakini kipa Casillas anaudaka.

Dk 87 Said Jela Mkambi wa Polisi analambwa kadi ya njano baada ya kumfokea mwamuzi.

Dk 86, Polisi wanapata kona baada ya mpira wa adhabu kuwagonga mabeki wa Simba, , lakini haina madhara.

Dk 81, Haji Bakari anapiga shuti lango la Simba likiwa wazi, mpira unapaa juu.

Dk 75, anatoka Tambwe na nafasi yake inashukuliwa na Elius Maguri

Dk 69, Okwi anapiga shuti lakini anashindwa kulenga lango.

Dk 62, Machaku anapiga kichwa cha kuchupa, lakini Rajab Isihaka anaokoa kwenye msitari kabisa mpira ukiwa umempita Casillas.

Dk 61 Kwizera anakosa bao yeye na lango, mpira unapaa juu.

Dk 56, Tambwe anawatoka mabeki wawili wa Polisi, kabla ya kupiga, beki anaokoa na kuwa kona isiyo na manufaa.

Dk 54, Edward Christopher anapiga shuti kali, lakini mabeki wa Simba wanaokoa.

GOOOOOO Dk 50, Mrwanda anaifungia Polisi bao baada ya beki Joseph Owino na Chollo kugongana naye akamchambua kipa Casillas.

Dk 46, Simba wanafanya shambulizi lakini mabeki wa Polisi wanawahi kuondosha hatari.

MAPUMZIKO:

Dk 39-43, timu zinacheza zaidi katikati ya uwanja.

Dk 37, Machaku anaupiga kichwa mpira wa krosi lakini unatoka nje sentimeta chache.

Dk 36, Polis i wanapata kona baada ya Casillas kuupangua mpira wa krosi, lakini haina madhara.

GOOOOOO Dk 32, Okwi anaifungia Simba bao baada ya kupokea krosi ya Shabalala, akaiweka kifuani na kumchambua kipa.

Dk 25 Okwi anashindwa kufunga akiwa amebaki yeye na kipa, inakuwa kona isiyo na madhara.

Dk 23, Jonas Mkude anapigwa kadi ya njano kutokana na kufanya madhambi.

Dk 16 Mrwanda anapigwa kadi ya njano kutokana na kufanya madhambi na kuzozana na mwamuzi

Dk 11, Kisiga anapiga mkwaju wa adhabu baada ya Okwi kuangushwa, lakini anaubabatiza ukuta

Dk 5, Danny Mrwanda anajaribu kupiga lakini shuti lake linakuwa laini, Casillas anauchukua mpira na kupiga mbele.

Dk 2 Tambwe anaingia ndani ya eneo la hatari lakii mabeki wa Polisi wanaokoa.