MATOGOLO WA MBEYA CITY AWA MCHEZAJI BORA WA LIGI KUU KWA SEPTEMBA

MATOGOLO (WA KWANZA KUSHOTO) AKIWA NA KIKOSI CHA MBEYA CITY.

Bodi ya Ligi Tanzania imemteua kiungo Anthony Matogolo kuwa mchezaji bora wa Septemba wa Ligi Kuu Bara.

Mtendaji Mkuu wa bodi hiyo, Silas Mwakimbinga amesema Matogolo amepata asilimia 92 na kuwapita wachezaji wote wanaoshiriki ligi hiyo.
"Ni kweli Matogolo ndiye mchezaji bora na sasa ligi iko katika mchakato wa kuhakikisha zawadi yake ya shilingi milioni moja, tunaweza kumtumia au vinginevyo," alisema Mwakibinga.