MBUNGE MTANDA KUFUNGA KOZI YA LESENI A

Mwenyekiti wa Kamati ya Bunge ya Huduma za Jamii, Mheshimiwa Said Mtanda anatarajia kufunga kozi ya ukocha ya Leseni A ya Shirikisho la Mpira wa Miguu Afrika (CAF) inayomalizika kesho (Septemba 7 mwaka huu).

Hafla hiyo ya ufungaji wa kozi hiyo iliyoshirikisha makocha 22 itafanyika saa 7 mchana kwenye Uwanja wa Kumbukumbu ya Karume, jijini Dar es Salaam.

Kozi hiyo ya siku tano iliyokuwa chini ya wakunzi wa CAF, Moatasim Mohamed Nasr kutoka Sudan na Sunday Kayuni wa Tanzania.