NAHODHA SIMBA AFUNGUKA, KUONDOKA MUSOTI NI TATIZO SIMBA

MUSOTI (KATIKATI) AKIWA MAZOEZINI SIMBA KABLA YA UONGOZI KUAMUA KUMTEMA NA NAFASI YAKE KUCHUKULIWA EMMANUEL OKWI.

Siku chache tangu uongozi wa Simba utangaze kumuondoa kikosini beki Mkenya, Donald Musoti, beki wa timu hiyo nahodha Joseph Owino raia wa Uganda amesema amepata pigo baada ya kuondoka kwa mchezaji huyo ambaye walikuwa wakielewana sana.

Musoti ameachwa na Simba ili kumpisha Emmanuel Okwi wa Uganda kutokana na idadi ya wageni kuwa wengi kwenye timu hiyo tofauti na kanuni za Ligi Kuu Bara.

Owino amesema Musoti ni pigo kwa kuwa ni beki mwenye uwezo mzuri na ambaye anajua kazi yake huku akidai Simba itakosa huduma yake muhimu.

“Musoti ni pigo, hilo lipo wazi, tulikuwa tukielewana vizuri sana,” alisema Owino.

Katika hatua nyingine, Owino amesifia uwezo wa Okwi na kusema kuwa ni mchezaji wa kiwango cha juu ambaye anaweza kuwa msaada mkubwa kwa Simba.