BAADA YA KUMTWANGA JULIO, TEGETE ATAMBA SASA MWENDO MDUNDO

Na Idriss Ally, Mwanza

Kocha John Tegete amesema kikosi chake cha Toto African kinataka kuendelea kufanya vizuri mfululizo.

Tegete ambaye ni baba mzazi wa Jerry Tegete wa Yanga, amesema anaamini ana kikosi bora ambacho kinaelewa nini maana ya ushindi.

Katika mechi iliyopita ikiwa ni ya ufunguzi wa Ligi Daraja la Kwanza, Toto iliitungua Mwadui ya Jamhuri Kihwelo ‘Julio’ kwa bao 1-0.

“Vijana wana morali iko juu, sasa wanajua nikisema ushindi ni muhimu wanaelewa. Tunatakiwa kushinda mfululizo.

“Hauwezi kurejea ligi kuu bila ya kufanya vizuri, kufanya vizuri ni ushindi, hilo halina mjadala,” alisema Tegete ambaye ni kocha mkongwe.