SIMBA KUCHEZA MECHI YAKE YA KIRAFIKI YA PILI LEO JIJINI JOHANNESBURG

SIMBA WAKIJIFUA JIJINI JOHANNESBURG, AFRIKA KUSINI, JANA.

Simba leo inashuka uwanjani jijini Johannesburg, Afrika Kusini kucheza mechi yake ya pili ya kirafiki.

Simba itacheza dhidi ya  Bidvest Wits, moja ya timu zinazofanya vema nchini humo.

Baada ya kuanza kambi Johannesburg, tayari Simba imecheza mechi moja dhidi ya vigogo, Orlando Pirates “happy People” au “Ghost” na kutoka nao sare ya bila kufunga.

Simba iko mjini humo kujiandaa vema na mechi ya Ligi Kuu Bara dhidi ya watani wao Yanga, Oktoba 18.

Lakini viongozi wake wamesema wanataka kujiandaa pia na Ligi Kuu Bara kwa ujumla.

Kilichosababisha uongozi wa Simba kushituka na kuipeleka timu Afrika Kusini ni baada ya kuanza ligi kwa sare tatu mfululizo.