JANJA YA MOURINHO, VAN GAAL ASHITUKIA, ASEMA COSTA ATAANZA

Kocha wa Man United, Luis van Gaal amesema anajua Jose Mourinho wa Chelsea atamuanzisha mshambuliaji Diego Costa.

Van Gaal ambaye ni kati ya walimu wa Mourinho amesema tayari wamejiandaa kwa kuwa wanajua Coasta hatakaa nje licha ya taarifa ya majeruhi ya nyama zake za paja.

Kuonyesha kweli van Gaal anamjua vizuri Mourinho, taarifa zinasema Costa atakuwa kwenye kikosi cha leo kwa kuwa jana alifanya mazoezi.

Man United iko ugenini kuwavaa wagumu hao ambao wamekuwa wakipaa kwenye Premier League na Man United wanaosua, wanatakiwa kushinda leo ili kuinua hali yao ya kujiamini.