TAMBWE AWAFIKISHIA SALAMU WANAOMBEZA

Mshambuliaji Mrundi wa Simba, Amissi Tambwe, amefunguka kuwa amejipanga kuhakikisha anatetea kiatu chake cha dhahabu alichokitwaa msimu uliopita.

Tambwe msimu uliopita aliibuka Mfungaji Bora wa Ligi Kuu Bara baada ya kufunga mabao 19, lakini msimu huu amecheza mechi mbili na kufunga bao moja.

Tambwe alisema bado hajakata tamaa kwani muda bado kwa hiyo anaamini atafanya vizuri na kutengua kauli ya watu wanaosema msimu huu atapoteza kiatu hicho.

“Unajua nashangaa sana watu wanavyosema sitaweza kutetea kiatu changu kwani ukiangalia ndiyo kwanza tumecheza raundi mbili tu hivyo muda bado, lakini ninawaambia nitatetea tena msimu huu,” alisema Tambwe.

Tambwe ambaye tayari amefunga bao moja katika mechi mbili, anaamini anaweza kufanya vizuri tofauti na wengi wanavyodhani.

Kabla ya kuanza kwa msimu mpya, uongozi wa Simba nusura umteme Tambwe na nafasi yake kuchukuliwa na Emmanuel Okwi, lakini wadau wakacharuka.