Walisema ni fowadi mzigo? Leo watafunga midomo baada ya
mshambuliaji Danny Welbeck kufunga mabao matatu ‘hat trick’ katika ushindi wa
mabao 4-1 dhidi ya Galatasaray ya Uturuki.
Katika mechi hiyo ya Ligi ya Mabingwa Ulaya hatua ya makundi
iliyopigwa ndani ya Emirates, bao jingine la Arsenal lilifungwa na Alexis
Sanchez.
Welbeck aliyejiunga na Arsenal akitokea Man United, alipiga mabao
mawili, Sanchez akaongeza la nne.
Galatasaray walipata bao la kwa mkwaju wa penalti baada ya kipa wa
Arsenal kufanya faulo na kulambwa kadi nyekundu.
Pamoja na ushindi, Arsenal waliendelea kuonyesha kupania kufunga
mabao zaidi ingawa walipotea nafasi kadhaa.
Wakati Arsenal wanaibuka na ushindi mnono wakiwa nyumbani, Liverpool
ambao wamerejea kwenye Ligi ya Mabingwa Ulaya walilala kwa bao 1-0 dhidi ya
Basel wakiwa ugenini Uswiss.
Mshambuliaji wake, Mario Balotelli alishindwa kuonyesha kiwango
huku Marco Streller akiwaua kwa bao pekee katika dakika ya 52.
0 COMMENTS:
Post a Comment