ARSENAL KUIVAA ANDERLECHT BILA YA JACK WILSHERE

Arsenal itaingia uwanjani leo kwenye mechi ya Ligi ya Mabingwa Ulaya kuivaa Anderlecht ya Ubeligiji bila ya kiungo wake, Jack Wilshere.

Tayari Wilshere ameondolewa kwenye kikosi kitakachoivaa  Anderlecht, leo na Kocha Arsene Wenger  amesema kiungo wake huyo atakuwa fiti tena katika mechi ya Jumapili dhidi ya wakali wengine wa pasi England, Swansea.

Wilshere anasumbuliwa na maumivu ya goti na hakufanya mazoezi jana baada ya daktari kumtaka kupumzika.

Wenger amesisitiza kuna baadhi ya wachezaji waliokuwa majeruhi kama Aaron Ramsey, wameanza kurejea na anatarajia kuanza kuwatumia.