FRIENDS RANGERS YAZITAKA NDANDA, MBEYA CITY KUCHANGAMKA

FRIENDS

Klabu za Mbeya City na Ndanda FC zinazoshiriki Ligi Kuu Bara, zimetahadharishwa na uongozi wa Friends Rangers ya Ligi Daraja la Kwanza kwamba wakichelewa tu basi watawakosa wanandinga wao ambao ni mlinda mlango Daud Gabriel pamoja na washambuliaji, Eliuta Mpepo ‘Demba Ba’ na Dismas Cosmas ‘Balotelli’ wanaowawinda.

Mbeya City na Ndanda kwa nyakati tofauti zimetuma maombi ya kuwataka wachezaji hao kwa ajili ya kuwatumia kwenye ligi kuu.

NDANDA

Katibu Mkuu wa Friends, Herry Mzozo, alisema walipokea maombi ya kutakiwa kwa wachezaji wao lakini wanasubiria viongozi wa timu hizo kwenda kumalizana kwani waliwaahidi watafanya hivyo hivi karibuni.

“Tumepokea ofa kutoka Ndanda na Mbeya City kwamba wanawahitaji wachezaji wetu na sisi tumewakubalia kwani huwa hatuna desturi ya kuwazuia kuondoka lakini viongozi wa timu hizo walituambia tusubiri ndani ya wiki hii watakuja kukamilisha huo usajili,” alisema Mzozo.