KIKWANGUA ANGA CHA SAMSA REAL ESTATE CHAANZA KUTAMBA KWENYE ANGA LA KINONDONI

Ghorofa linalotarajiwa kuwa na 'losheni' 14 la kampuni ya Samsa Real Estate Ltd limeanza kuonekana kwenye anga la eneo la Kinondoni Biafra jijini Dar es Salaam.

Jengo hilo la ghorofa 14 litakuwa na nyumba kwa ajili ya kupangishwa na kuuzwa na wanamichezo mbalimbali wameanza kukaribishwa.

Jengo hilo ambalo linatarajiwa kuwa la kisasa zaidi kwa ajili ya makazi katika jiji la Dar es Salaam, litakuwa na ukumbi wa mazoezi na bwawa la kuogelea kwa wale watakaopanga na wale watakaonunua nyumba zao. Pia kutakuwa na maeneo ya kuegesha magari na kila nyumba itapewa nafasi mbili.

Kila nyumba itakuwa na vyumba vitatu vya kulala, sehemu maalum kwa ajili ya chakula, sebule na sehemu za kupumzikia ‘balcons’.

Ujenzi wake umekuwa ukienda kwa kasi na wamiliki wamesisitiza kukaribisha wanunuzi wakiwemo wanamichezo na watu wengine ambao wangependa kuishi katika eneo hilo ambalo liko karibu na kila sehemu yenye mahitaji muhimu ya jiji ya Dar es Salaam.