MANOTI YA WAARABU YAONDOA MSALABA KWENYE NEMBO YA REAL MADRID

Real Madrid imekubali kuuondoa msalaba ulio kwenye nembo yake baada ya kupata udhamini mpya Uarabuni.

Klabu hiyo tajiri duniani imepata udhamini mnono na Benki ya Abu Dhabi inayojulikana kama National Bank of Abu Dhabi.

Hali hiyo imefanya Madrid iondoe msalaba ulio juu kabisa ya nembo yake katika nembo zote zitakazotumika kwenye Falme za Kiarabu.

Hiyo inatokana na imani ya Kiislamu na ndiyo dini kuu kwa Falme za Kiarabu (UAE) yenye emirates maarufu na miji mikubwa zaidi ni Dubai na Abu Dhabi.