MASHABIKI WAVAMIA UWANJA, WAMVUA NGUO GERVINHO, POLISI WATEMBEZA MKONG'OTO 'MBWA'

 Furaha ya mashabiki wa Ivory Coast kuona timu yao imefuzu kwenye fainali za Kombe la Mataifa Afrika, zimezua tafrani kubwa jijini Abidjan.
Baadhi ya mashabiki waliongia uwanjani walimvamia mshambuliaji Gervinho wa AS Roma na mmoja wao akalazimisha kumvua bukta yake.

Hata hivyo askari polisi walifanya kazi ya ziada na kufanikiwa kumuokoa huku wakitembeza mkong'oto kama wendawazimu.
Mashabiki hao walivamia katikati ya uwanja mara baada ya mechi kati ya Tembo wa Ivory Coast dhidi ya Simba Wasioshindika kwa Cameroon kwisha kwa 0-0.
Kutokana na sare hiyo, Ivory Coast wakawa wamefuzu, ndipo mashabiki hao wakaingiwa wazimu.