MTIBWA YAICHAPA MLABANI 4-0 KUCHANGIA MAABARA

Kikosi cha Mtibwa Sugar kimeichapa Mlabani ya Ifarakara kwa mabao 4-0 katika mechi ya kirafiki.

Mechi hiyo iliyopigwa Ifakara ilikuwa ni maalum kwa ajili ya kuchangia fedha kwa ajili ya kujenga maabara katika moja ya shule za Wilayani humo.

“Mechi ilikuwa nzuri na sisi tumecheza kwa ajili ya kuchangia ujenzi wa maabara,” alisema Msemaji wa Mtibwa Sugar, Thobia Kifaru.

“Hivyo hatujachukua kitu chochote zaidi ya kujumuika pamoja na wenzetu wa Ifakara.”

Tayari Mtibwa Sugar ambao ni vinara wa Ligi Kuu Bara wamerejea Manungu ambako wanaendelea na maandalizi ya Ligi Kuu Bara.