RUVU SHOOTING YAMPA MWOMBEKI MWAKA MMOJA AIFUNGIE MABAO

Mshambuliaji wa zamani wa Simba, Betram Mwombeki, amesajiliwa rasmi katika kikosi cha maafande wa Ruvu Shooting kwa muda wa mwaka mmoja.

 Straika huyo msimu uliopita alikuwa akiitumikia Simba akitokea Pamba na aliweza kufanya vyema katika mzunguko wa kwanza lakini wa pili hakuweza kupata nafasi ya uhakika, hivyo akaumaliza msimu akiwa na mabao manne tu.

Msemaji wa Ruvu Shooting, MAsau Bwire amethibitisha hilo lakini akataka apewe siku moja ili kulizungumzia hilo hadharani.

“Ni kweli tuko katika harakati za kuimarisha safu ya ushambuliaji na Mwombeki tutampa mwaka mmoja,” alisema Bwire.

Baada ya kuondoka Simba, Mwombeki alikwenda Oman na kufanya majaribio katika kikosi cha Oman Club FC linachoshiriki daraja la kwanza. Lakini akafeli.