TIKETI ZA MECHI; ARGENTINA YA MESSI VS URENO YA RONALDO ZADORORA

Inawezekana mechi ya kirafiki kati ya Argentina dhidi ya Ureno ikakosa watu wengi.

Mechi hiyo inapigwa kwenye Uwanja wa Old Trafford mjini Manchester, leo saa 4:45 usiku.

Hadi mchana tiketi 36,000 ambazo ni nusu ya uwanja huo ndiyo zilikuwa zimekatwa.

Hali hiyo imeonyesha kuwapa hofu waandaaji kwamba huenda kukawa na watazamaji nusu uwanja.

Awali ilionekana wengi wangegombea tiketi kutokana na ujio wa Lionel Messi lakini Cristiano Ronaldo alikuwa anarejea tena OT.

Bei ya tiketi ilikuwa pauni 40 hadi 60 kwa wakubwa na 20 hadi 30 kwa watoto.