MWADUI FC YA JULIO YAKAMILISHA USAJILI, YAMTWAA BEKI WA SIMBA

Jamhuri Kiwhelo 'Julio' ameonyesha kweli amepania kurejea Ligi Kuu Bara.
Sasa amefunga usajili kwa kumnasa beki Joram Mgeveke wa Simba.

Beki huyo anayekipiga katika kikosi cha Taifa Stars amejiunga na Mwadui FC leo kwa mkopo.

Julio amesema ndiye mchezaji ambaye amefunga naye usajili.
"Kweli Simba wametoa ruhusa ya sisi kumtumia Mgeveke. Tutakuwa naye," alisema Julio.

Tayari kikosi chake kimewasajili Razak Khalfan, Mohammed Mkweche na Uhuru Selemani.