 |
| SHERMAN |
Uwezo ulioonyeshwa na straika mpya wa Yanga, Mliberia, Kpha Sherman, kwenye mechi ya
Nani Mtani Jembe pamoja na kwenye mazoezi ya timu hiyo, umemkosha kiungo
Mnyarwanda, Haruna Niyonzima na kudiriki kusema: “Kweli sasa tumepata mtu
mwenye kazi yake.”
 |
| NIYONZIMA |
Sherman
alitua nchini wiki iliyopita akitokea Cyprus alikokuwa anacheza soka la
kulipwa, akasaini mkataba wa miaka miwili kuitumikia Yanga lakini ameteka hisia
za mashabiki wa Yanga baada ya kuonyesha uwezo mkubwa kwenye mchezo wa wikiendi
iliyopita dhidi ya Simba, ingawa walifungwa 2-0.
Niyonzima
amesema kwa uwezo alionao Sherman, ni dhahiri
anayaona mafanikio ya Yanga katika suala la kufunga kutokana na mchezaji huyo
kujua zaidi anachotakiwa kufanya anapokuwa na mpira.
“Kwa
kweli sasa hapa tumepata mtu anayeielewa sawasawa kazi yake, jamaa ana nguvu,
anakaba, anajua nini cha kufanya anapokuwa na mpira au anapokuwa ameukosa, kwa
kifupi ni mtu mwenye kujua majukumu yake.
“Kwa
timu yetu ya Yanga ilivyo, naweza kusema kuwa ujio wake ndiyo suluhisho letu la
kufumania nyavu kwenye mechi za hapa kwenye ligi ya nyumbani au hata za
kimataifa, naweza kusema nimeufurahia kwa kweli ujio wake,” alisema Niyonzima.
0 COMMENTS:
Post a Comment