PAZI AANZA MAANDALIZI AKAFANYE KAZI NCHINI OMAN

Kocha wa zamani wa Makipa wa Simba, Idd Pazi yupo mbioni kutimkia nchini Oman kufundisha soka katika Timu ya Do Sahel Lasalle, baada ya kutoelewana kimaslahi na timu ya Coastal Union ya jijini Tanga.

Pazi aliachana na Simba mwanzoni mwa msimu huu baada ya kumaliza mkataba wake ikiwa ni pamoja na uongozi wa klabu hiyo kutoonyesha nia ya kumuongezea.

Pazi amesema kuna rafiki yake ambaye yupo Oman ndiye anayemfanyia mpango wa kumtafutia timu ambapo yupo katika mazungumzo na Do Sahel Lasalle ya nchini humo na mambo yatakapokamilika ataondoka wakati wowote.

“Mipango yangu ya sasa ni kurudi Oman kwenda kufundisha soka ambapo kuna timu ya Do Sahel Lasalle ambayo rafiki yangu ananitafutia nafasi na mipango ikikamilika tu naondoka,” alisema Pazzi.