RONALDO SASA ASHIKA NAMBA TATU MADRID KWA 'UDUNGUAJI'

Cristiano Ronaldo amekuwa mchezaji wa tatu mwenye uwezo wa ‘kudungua’ katika kikosi cha Real Madrid.

Ronaldo ameshika nafasi hiyo ya tatu nyuma ya magwiji wawili, Raul Gonzalez na Alfredo Di Stefano baada ya kufunga bao moja katika mechi waliyoshinda kwa mabao 2-0 dhidi ya Elche.

Katika mechi hiyo, Karim Benzema alitangulia kufunga katika dakika ya 56 kabla ya Ronaldo kufunga la pili.

Pamoja na kuwa mkali wa mabao, Ronaldo pia anashkilia tuzo tatu za Ballon d'Or, moja aliipata akiwa Man United mwaka 2008 na mbili baada ya kutua Real Madrid.

WAFUNGAJI BORA WA REAL MADRID

Raul: Mabao 323, Mechi 741

Alfredo Di Stefano: Mabao 307, Mechi 392

Cristiano Ronaldo: Mabao 290, Mechi 281

Carlos Santillana: Mabao 290, Mechi 645

Ferenc Puskas: Mabao 242, Mechi 262