ULAINI WA SIMBA WAMSHANGAZA KOCHA KAGERA SUGAR

Kipigo cha bao 1-0 kutoka Stand United kwenda kwa Simba, kimeonyesha kumshangaza Kocha Msaidizi wa Kagera Sugar, Mrage Kabange.

Kabange ameshangazwa sana na kujikuta akihoji kwa nini Simba imekuwa laini namna hiyo.

Kabange aliyewahi kuichezea Simba miaka ya nyuma, amesema kuwa kiwango kinachoonyeshwa na timu hiyo kinasikitisha kwa kuwa hakiendani na hadhi yake.

“Simba imekuwa haina mwendo mzuri kutokana na mambo mengi yakiwemo ya kiuongozi, hata wakiniita nikafundishe hapo siwezi kwenda kwa kuwa nitaishia kupata aibu tu.

“Nawashauri viongozi wa Simba wakae kwenye kikao na kuzungumza na wadau wa Simba ili kujua kinachoikwamisha timu hiyo kufanya vizuri kwa takriban mwaka wa tatu sasa,” alisema.