KIPIGO CHA 4-0 CHAWAVURUGA MASHABIKI SUNDERLAND, WATAKA KUMVAA KOCHA

 Mashabiki Sunderland wamecharuka na kutaka kumvaa kocha wao Gus Poyet baada ya timu yao kushindiliwa kwa mabao 4-0 na Aston Villa katika mechi ya Ligi Kuu England, leo.

Villa wakiwa ugenini walikuwa wamepata mabao hayo hata kabla ya mapumziko hali iliyoamsha jazba na polisi na walinzi wa uwanjani kulazimika kumlinda kocha huyo.

Baadhi ya walinzi walipanda hadi jukwaani kuwapoza mashabiki hao waliojawa na jazba.

Poyet alikiri kwamba mambo ni mabaya lakini akasisitiza wataendelea kupambana kujiokoa na balaa la kuteremka daraja.