Baada ya kukaa nje ya
kikosi kwa muda na kukosa mechi kadhaa za Simba, kiungo tegemeo wa timu hiyo,
Jonas Mkude, anatarajia kurejea rasmi kuungana na timu yake hiyo leo Jumatatu
kwa ajili ya kujiwinda na mchezo wao wa Aprili 18 dhidi ya Mbeya City.
Mkude alilazimika kuukosa
mchezo wao dhidi ya Kagera Sugar na ile ya kirafiki ukiwemo wa Toto African
waliyoshinda kwa mabao 3-0 hivi karibuni kutokana na kufiwa na baba yake mzazi,
Gerald Jonas Mkude.
Baada ya kukamilika kwa
taratibu za mazishi, uongozi wa Simba ulimpa Mkude muda wa wiki moja kupumzika
kutokana na msiba huo kisha baada ya hapo arejee kazini na kuendelea na
majukumu ya kuitetea timu hiyo.
Mkude amesema kwamba kwa
sasa yuko poa na anaweza kujiunga na wenzake kwa ajili ya kuendelea kupambana
kama ilivyo kawaida.
“Tayari muda wangu wa
kupumzika umeisha na sasa niko poa kabisa kurejea kwenye timu na kuanza mazoezi
kama kawaida kwa ajili ya kumalizia mechi zilizobaki, kesho (leo) ndiyo
nitajumuika rasmi na kikosi katika maozezi ya kitimu,” alisema Mkude.
0 COMMENTS:
Post a Comment