KOCHA KUTOKA MAREKANI AOMABA KAZI AINOE SIMBA

Uongozi wa Simba umepokea maombi ya makocha kutoka mataifa mbalimbali kwa ajili ya kumrithi Mserbia, Goran Kopunovic, kati ya hayo yumo Mmarekani mmoja.

Timu hiyo, hivi sasa ipo kwenye mchakato wa mwisho wa kukamilisha mchujo wa kumpata mbadala wa Kopunovic atakayekinoa kikosi hicho baada ya kuachana na Mserbia huyo ambaye walishindana naye dau kufuatia kumalizika kwa mkataba wa muda mfupi aliosaini awali.

Makamu wa Rais wa Simba, Geofrey Nyange ‘Kaburu’, alisema Mmarekani huyo yupo kwenye orodha ya majina ya makocha wanaotaka kurithi kibarua cha Kopunovic.

Kaburu alisema kuwa, pia wamepokea maombi ya kocha kutoka nchini Asia ambaye anatimiza idadi ya makocha 100 wanaotaka kuifundisha timu hiyo.

“Ipo kamati husika inayohusika na mchakato huo wa kumpata kocha mpya atakayeifundisha Simba, hadi hivi sasa imefikia idadi ya makocha 100.

“Makocha wa mataifa mbalimbali wamejitokeza kiukweli, yupo kutoka Marekani na Asia ambao wote tunaamini ni wazuri, yupi atakayekabidhiwa? Tuiachie kamati inayohusika na mchakato huo,” alisema Kaburu.

SOURCE: CHAMPIONI