Katika kuhakikisha kwamba kambi yao inakuwa na nidhamu ya hali ya
juu pamoja na umoja, Kocha wa Simba, Muingereza, Dylan Kerr, alilazimika
kubadilisha ratiba ya msosi wa jioni kambini hapo.
Simba ambayo imefikia kwenye hoteli ya Lushoto Executive,
wachezaji walikuwa wakipata msosi kuanzia saa moja usiku tangu walipowasili
hapo wiki moja nyuma.
 |
| KERR |
Baada ya kumalizika kwa mazoezi ya juzi Jumamosi, Kerr aliwaweka
chini wachezaji hao na kuwaambia kwamba siku hiyo na inayofuatia, yaani jana
Jumapili, watalazimika kula kwa pamoja saa 12:30 jioni ambapo lazima wote wakae
pamoja kupata msosi huo wa usiku.
Kwa kawaida muda huo ni maalum kwa wachezaji waliofunga Mwezi
Mtukufu wa Ramadhan lakini kocha huyo akaona ni sahihi kujumuika nao ili
kujenga umoja zaidi.
Lakini kiungo wa kikosi hicho, Mganda, Simon Sserunkuma,
alionekana kutokubaliana na suala hilo na alihoji kama wakila muda huo je hawatakula
tena usiku ambapo alikutana na jibu la Kerr lililosema ndiyo.
Kiungo huyo akaonekana kutokubaliana naye lakini aliamua kuacha
kama ilivyo.
0 COMMENTS:
Post a Comment