PAMOJA NA BARIDI KALI, UKUNGU TAIFA STARS YAENDELEA KUJIFUA UTURUKI

MKWASA AKITOA MAELEKEZO YA MAZOEZI LAKINI UTAONA KWA MBALI UKUNGU ULIOTANDA AMBAO WAKATI MWINGINE UNASHUKA HADI UWANJANI.

Na Saleh Ally, Kartepe
Kikosi cha Taifa Stars kimeendelea na mazoezi yake mjini hapa licha ya kuwa kuna ukungu mkubwa ukiotanda.

Stars imewasili kwenye mji huu takribani Kilomita 200 na ushee kutoka jiji la Istanbul ambao ndiyo mji mkubwa zaidi hapa nchini Uturuki na kuweka kambi kujiandaa na mechi yake dhidi ya Nigeria Septemba 5.

Jana kikosi hicho chini ya Kocha Boniface Mkwasa kiliendelea na mazoezi kwa zaidi ya saa moja na nusu.

Wachezaji walifanya mazoezi makali ya kukimbia kabla ya kuendelea na mazoezi mengi chini ya Mkwasa akisaidiana na Hemed Morocco.

Stars inatarajia kuendelea na mazoezi leo Saa 5 Asubuhi na baada  ya hapo itakuwa na mapumziko kwa kuwa kunatarajiwa kuwa na mechi ya kirafiki kesho.