LICHA YA LIGI KUANZA, COASTAL UNION BADO WAKO KWENYE UJENZI!!

MAYANJA AKIWA KATIKA BENCHI LA COASTAL...

Coastal Union ya Tanga ‘Wagosi wa Kaya’ imecheza mechi mbili za Ligi Kuu Bara na kufungwa zote, hata hivyo Kocha wake Jackson Mayanja amesema wala hana tatizo isipokuwa ndiyo anajenga kikosi chake.

Katika mchezo wa kwanza dhidi ya Yanga, Coastal ilifungwa mabao 2-0, kisha ikafungwa bao 1-0 na Ndanda FC kwenye Uwanja wa Nangwanda Sijaona, Mtwara.

Mayanja, nyota huyo wa zamani wa timu ya Taifa ya Uganda ambaye msimu uliopita aliifundisha Kagera Sugar, amesema kuwa, matokeo aliyopata hayamsumbui kwani ndiyo yupo katika harakati za kujenga kikosi.

Alisema vijana wake wote wanaonekana kuwa na uwezo mkubwa wa kupambana uwanjani, isipokuwa hawajazoeana na muda si mrefu watakuwa wanacheza vizuri wakizoeana.

“Ndiyo tumepoteza mechi mbili kutokana na wachezaji wangu kutoelewana na kwa taarifa yako, kwa sasa ndiyo najenga timu na muda si mrefu tutakuwa vizuri,” alisema Mayanja.

Straika wa timu hiyo, Ally Ahmed Shiboli, aliungana na kocha wake kwa kusema: “Ujue tumekutana hivi karibuni na hatujaelewana bado ila tutakaa vizuri hivi karibuni tu.”

Casillas duh! Hadi Mtibwa sugar anapigwa benchi