MWADUI YA JULIO YAANZA KAZI, YAIZAMISHA AFRICAN SPORTS

Kikosi cha Mwadui FC kilianza Ligi Kuu Bara kwa kipigo kutoka kwa Toto African mjini Mwanza.

Lakini leo kikosi hicho kinachofundishwa na Jamhuri Kihwelo ‘Julio’ kimeanza kazi kwa ushindi wa mabao 2-0 dhidi ya African Sports.

Ikiwa kwenye Uwanja wake wa nyumbani Mwadui mjini Shinyanga, Mwadui FC ilionyesha soka safi na kuutawala mchezo kwa muda mrefu.

African Sports ambao walianza ligi kwa kipigo cha bao 1-0 kutoka kwa Simba, walishindwa kabisa kuithibiti kasi ya Mwadui.