RUVU SHOOTING YAANZA SAFARI YA KUREJEA LIGI KUU BARA, YASAFIRI KWENDA SONGEA

KIKOSI CHA RUVU SHOOTING MSIMU ULIOPITA.

Kikosi cha Ruvu Shooting kimeondoka leo kwenda mjini Songea tayari kuanza Ligi Kuu Bara.

Ruvu Shooting imeanza safari hiyo kwenda Songea kwa ajili ya mechi yao dhidi ya JKT Mlale itakayopigwa Jumamosi kwenye Uwanja wa Majimaji mjini Songea.

Msemaji wa Ruvu Shooting, Masau Bwire amesema kikosi chao kipo vizuri na tayari kwa ajili ya mechi hiyo.

“Kikosi kipo vizuri na sasa ni ishu ya safari, tunataka kufanya vizuri na hilo liko kwenye kichwa cha kila mchezaji.

“Maandalizi yetu yalikuwa mazuri, tunaamini tutapambana na kufikia malengo ya kurejea Ligi Kuu Bara,” alisema Masau.

Ruvu Shooting, iliwashitua wapenda soka baada ya kuteremka daraja katika mechi ya mwisho ya Ligi Kuu Bara baada ya kufungwa bao 1-0 dhidi ya Stand United ya mjini Shinyanga.