Straika nyota wa Simba, Mganda, Hamis
Kiiza, amejitoa kwenye kikosi cha timu hiyo kitakachoivaa Mbeya City katika
mechi ya Ligi Kuu Bara, wikiendi hii.
Mganda huyo, amejitoa kwenye kikosi
hicho kutokana majeraha ya nyama za paja zinazomuuma baada ya kuumia wiki
iliyopita katika mazoezi ya timu hiyo.
Kutokana na majeraha hayo, mshambuliaji
huyo alishauriwa kukaa nje ya uwanja kwa wiki mbili na daktari mkuu wa timu
hiyo, Yassin Gembe, katika kipindi hicho alitakiwa kupumzika wiki moja kabla ya
wiki ya pili kuanza mazoezi.
Kiiza alisema kuwa kwa mujibu wa
programu aliyopewa juzi Jumatatu, alitakiwa kuanza mazoezi mepesi, lakini
imeshindikana kutokana na maumivu anayoyasikia.
“Uwezekano wa mimi kucheza mechi
na Mbeya City ni mdogo, hiyo ni kutokana na kushindwa kuanza mazoezi mepesi
niliyotakiwa kuanza kuyafanya jana (juzi) Jumatatu.
“Nimechelewa kuanza mazoezi mepesi
kutokana na maumivu ninayoendelea kuyasikia kwenye nyama zangu za paja.
“Kuchelewa huko kurejea uwanjani kumenifanya
nishindwe kuamini kama nitacheza mechi inayofuata,” alisema Kiiza.
0 COMMENTS:
Post a Comment