TALIB HILAL ATOA MSAADA WA MIPIRA TFF, KUANZA KAZI KESHO KUWANOA MAKOCHA WA BEACH SOKA

Kocha wa timu ya Taifa ya Oman ya Soka la Ufukweni (Beach Soccer), Talib Hilal jana ametoa msaada wa mipira 10 kwa ajii ya mchezo wa soka la ufukweni ambao umeanza kuwa maarufu nchini.

Talib ambaye ni kocha na Mkufunzi wa FIFA wa soka la ufukweni alikabidhi mipira hiyo kwa Katibu Mkuu wa TFF, Mwesigwa Selestine ikiwa ni sehemu ya mchango wake kwa maendeleo ya mchezo huo.

Kesho Jumamos tarehe 10 Oktoba, 2015 kocha Talib atakutana na makocha, waamuzi wa mchezo wa ufukweni waliopo jijii Dar es salaam ili kubadilishana uzoefu saa 5 kamili asubuhi katika ukumbi wa mikutano wa TFF uliopo Karume.

Kocha huyo amekiwezesha kikosi cha Oman kubeba ubingwa wa Asia pia kushiriki michuano ya Kombe la Dunia iliyofanyika nchini Ureno miezi michache iliyopita.

Talib aliwahi kuichezea Simba, pia kuipa ubingwa wa Ligi Kuu Bara wakati akiwa kocha.