UKIMTAKA UHURU SELEMANI KUTOKA SAUZ, THAMANI YAKE NI SH MILIONI 125

Kiungo wa pembeni wa Royal Eagles ya Afrika Kusini, Uhuru Selemani, thamani yake imefikia Sh milioni 125 iwapo suala la kumuuza litafikia.

Mtandao wa transfer market umempa uhuru thamani hiyo kwa kusema anaweza kuuzwa euro 50,000.

Mtanzania huyo amechukua nafasi ya pili katika wachezaji watatu wa kulipwa walio katika kikosi hicho kinachoshiriki daraja la kwanza nchini humo.

Kiungo Mnigeria, Prince Olomu amepewa thamani ya euro 250,000 ambaye ndiye ghali zaidi ya wachezaji wote wa kikosi hicho.

Mgeni anayeshika nafasi ya tatu kwa thamani ya manunuzi katika kikosi hicho ni kipa kutoka Ivory Coast, Noel Yobou ambaye amepewa euro 25,000 ikiwa ni nusu ya thamani ya Uhuru.

Uhuru anaichezea timu hiyo ya jijini Darbun kwa mkopo akitokea Jomo Cosmos.