SIMBA KUENDELEA KUKIONA CHA MOTO KWA MAZOEZI NGINJANGINJA....

Kocha Mkuu wa Simba, Dylan kerr amesema ataendelea kutoa mazoezi makali kwa kikosi chake ili kurejesha ubora wa nguvu, kasi na utimamu wa mwili.

Kerr amesema utimamu wa mwili utakuwa bora zaidi kama mchezaji anakuwa fiti.

“Lazima wavumilie katika kipindi hiki, lazima mazoezi yatakuwa makali sana kwa kuwa tunataka timu irejee vizuri.

“Baada ya hapo tutaendelea kupambana vilivyo kuhakikisha tunaingia kwenye mambo mengine kama vile kufundishana mifumo na nini cha kufanya.

“Tuna mechi nyingi ngumu mbele yetu, lazima tufanye vizuri hivyo tunazidi kujiandaa,” alisema Kerr.

Simba imekuwa ikifanya mazoezi kwenye ufukwe wa Bahari ya Hindi maeneo ya Kunduchi jijini Dar es Salaam, mazoezi ambayo yameonyesha kuwapa wakati mgumu kutokana na ugumu wake.