HALL ASEMA SAFARI YA ZANZIBAR SI YA MCHEZO, WANAKWENDA ZANZIBAR KUTWAA KOMBE

Kocha wa Azam FC, Stewart Hall amesema wanakwenda Zanzibar ili kutwaa Kombe la Mapinduzi.

Hall amesema kutwaa kombe hilo ni heshima lakini pia ni jambo la kuinua ari ya imu.

“Kama tungekuwa hatutaki kubeba kombe, basi tusingeenda Zanzibar. Tunataka kuwa mabingwa kwa kuwa kwa Tanzania hilo ni moja ya kombe lenye heshima na linalotambulika,” alisema.

Chini yake, Azam FC imewahi kubeba kombe hilo na Hall raia wa Uingereza amesisitiza anataka wafanye vizuri licha ya kuwa anaamini lazima ushindani utakuwa juu.