LIONEL MESSI ABEBA TUZO YA MWANASOKA BORA WA MWAKA, BARCELONA KLABU BORA

Mshambuliaji nyota wa Barcelona ameshinda tuzo ya mwanasoka bora wa mwaka.

Messi raia wa Argentina ameshinda tuzo hiyo katika tuzo za Globe Soccer zilizofanyika jijini Dubai.

Messi aliyefunga mabao 47 msimu huu amechukua tuzo hiyo ambayo msimu uliopita alishinda Cristiano Ronaldo. Mwingine aliyekuwa anachuana naye alikuwa ni kipa nyota wa Juventus, Gianluigi Buffon.

Pamoja na hivyo Kocha wa Ubelgiji, Marc Wilmot ameibuka kuwa kocha bora wa msimu.

Barcelona imeibuka kuwa klabu bora ya msimu ikizipiga chini nyingine zikiwemo Juventus, Bayern, PSG na Dnipro.

Huenda tuzo hiyo ikawa ni dalili njema katika kuwania tuzo ya mchezaji bora wa dunia maarufu kama Ballon d'Or ambayo anachuana na anayeishikilia Ronaldo.