TAMBWE SI MCHEZO, AKAA KILELENI KWA MABAO, APIGA MBILI NA KUFIKISHA 10

Mshambuliaji Amissi Tambwe amefunga bao lake la 10 baada ya kufunga mabao mawili wakati yanga ikiiangusha Mbeya City kwa mabao 3-0.

Tambwe aliyekuwa mfungaji bora kabla ya msimu uliopita, amefunga mabao hayo mawili na kufikisha 10, akimvuka Elius Maguri wa Stand United aliyekuwa na mabao 9.

Kabla ya mechi hii, Tambwe alifunga mabao matatu, hat trick wakati Yanga ikiitwanga Stand United kwa mabao 4-0.

Kabla ya msimu uliopita, Tambwe alikuwa mfungaji bora, msimu uliopita mfungaji bora akawa Simon Msuva lakini Tambwe alikuwa amejiunga Yanga akitokea Simba, akawa katika nafasi ya pili.