YANGA KUWEKA KAMBI BAGAMOYO TAYARI KWA KIBARUA CHA MGAMBO, AFRICAN SPORTS

Mabingwa wa soka Tanzania Bara, Yanga wataweka kambi mjini Bagamoyo kujiandaa na mechi yao ya Ligi Kuu dhidi ya Magambo Shooting.

Yanga itaivaa Mgambo Shooting Desemba 12 wakati Ligi Kuu Bara itakapoanza kutimua vumbi, baada ya hapo italazimika kubaki Tanga kuivaa African Sports.

Habari za ndani ya Yanga zimeeleza, Yanga inatarajia kuanza kambi hiyo mjini Bagamoyo na baada ya hapo itasafiri kwenda Tanga.

“Kwanza ni kambi ya Bagamoyo na tayari alitumwa mtu kwenda kushughulikia kila kitu.

“Timu itakaa Bagamoyo kabla ya kusafiri kwenda Tanga kwa ajili ya mechi hizo mbili za Mgambo na African Sports,” kilieleza chanzo.

Yanga imekuwa ikiendelea kujifua kwa nguvu katika Uwanja wa Boko Veterani jijini Dar es Salaam.