YANGA YABEBA KIKOSI KIZIMA ZANZIBAR, KUANZA KAZI JUMAPILI NA MAFUNZO

Yanga imebeba kikosi chote kwenda katika michuano ya Kombe la Mapinduzi.

Yanga itaanza kazi katika michuano hiyo Jumapili kwa kuwavaa Mafunzo katika mechi itakayopigwa jioni kwenye Uwanja wa Amaan.

“Mchezaji ambaye hataungana na sisi ni Cannavaro peke yake ambaye ni majeruhi,” alisema Meneja wa Yanga, Hafidhi Saleh.

Kikosi kizima cha Yanga kimefanya mazoezi yake leo kwenye Uwanja wa Karume jijini Dar es Salaam, kabla ya kuanza safari kesho kwenda Zanzibar.