JEBA SHUJAA WA MTIBWA IKITINGA FAINALI MAPINDUZI CUP, YAIVUA UBINGWA SIMBA

JEBA (KULIA) AKISHANGILIA BAO LAKE LEO PAMOJA NA WACHEZAJI WENGINE WA MTIBWA SUGAR

Kiungo nyota wa Mtibwa Sugar, Ibrahim Jeba ameibuka shujaa baada ya kuiwezesha timu hiyo kutinga fainali ya Kombe la Mapinduzi na kuivua ubingwa Simba.

Jeba ameiwezesha Mtibwa Sugar kutinga fainali kwa bao pekee alilofunga katika kipindi cha kwanza na kuipa ushindi wa bao 1-0 dhidi ya Simba.

Jeba alifunga bao pekee katika dakika ya 45 baada ya kuuwahi mpira uliotemwa na Peter Manyika baada ya shuti la Shiza Kichuya.

Hata hivyo, juhudi za Simba kusawazisha hazikuwa na mafanikio na kikosi hicho kilionekana kutokuwa na mipango kinapofika langoni mwa Mtibwa.

Mara mbili, Ibrahim Ajib na Abdi Banda walipiga mashuti yaliyookolewa na kipa Said Mohammed Nduda na kufanya matokeo yabaki yalivyo.