MASHABIKI WALIORUSHA CHUPA, WAIPONZA SIMBA TFF YAITWANGA FAINI YA SH LAKI TANO

Kamati ya Uendeshaji na Usimamizi wa Ligi imeipiga Simba faini ya Sh 500,000 (laki tano) kutokana na washabiki wake kumrushia mwamuzi msaidizi namba moja chupa za maji na makopo ya bia wakipinga kuashiria mshambuliaji wa Simba kuotea dakika ya 57. 

Pia walifanya hivyo dakika ya 80 kwenye mechi hiyo dhidi ya Mwadui iliyochezwa Uwanja wa Kambarage mjini Shinyanga.

Timu ya Toto Africans imepewa onyo kwa kuchelewa uwanjani kwa dakika 23 kwenye mechi yao dhidi ya African Sports iliyofanyika Desemba 27, 2015 katika Uwanja wa CCM Kirumba jijini Mwanza.

IMETOLEWA NA TFF.