MASHABIKI ZAIDI YA 10,000 WA TP MAZEMBE KUWASHUHUDIA UBWA, CHANONGO

CHANONGO NA UBWA WAKIWA MAZOEZINI MAZEMBE, JANA.

Tayari Abuu Ubwa na haruna Chanongo wa Stand United wameanza majaribio na kikosi cha TP Mazembe.

Lakini katika mazoezi ya leo, mashabiki zaidi ya 10,000 wataruhusiwa kuingia kuona mazoezi ya kikosi hicho wakiwemo Ubwa ,23, na Chanongo ,24, ambao wamepata nafasi hiyo ya majaribio.

Mmoja wa viongozi wa Mazembe, Deo Kanda amesema bado wachezaji kadhaa hawajaungana na kikosi hicho wakitokea katika mapumziko, lakini baadhi wameishaanza.

“Jumanne (leo) ndiyo mashabiki wataruhusiwa kuingia kwa wingi na mambo yatakwenda vizuri tunaamini. Hawa vijana wawili wa Tanzania nao wanaendelea vizuri na wameishaanza,” alisema.

Chanongo aliwahi kucheza Simba na Ubwa aliwahi kukipiga Ureno na Yanga na sasa bahati iko mkononi mwao.